Fushata e korrjeve nis në fushën e Maliqit – Sezoni premton prodhim të bollshëm

Me ardhjen e korrikut, ka nisur zyrtarisht fushata e korrjeve në Fushën e Maliqit, një nga zonat më të rëndësishme bujqësore në vend. Punimet kanë filluar me korrjen e elbit, dhe sipas vlerësimeve të para, prodhimi duket shumë premtues, çka tregon për një sezon të mbarë për fermerët e kësaj zone.

Fermerët janë angazhuar me përkushtim dhe profesionalizëm, duke shfrytëzuar çdo mundësi për të përfituar maksimumin nga puna e tyre gjatë muajve të kaluar.

Kushtet klimatike kanë qenë përgjithësisht të favorshme, ndërsa kujdesi i vazhdueshëm për tokën dhe bimësinë ka dhënë rezultatet e veta.

Korrja e elbit shënon vetëm fillimin e një sezoni të ngarkuar dhe shpresëplotë për komunitetin bujqësor.

Në ditët në vijim pritet të fillojë edhe korrja e kulturave të tjera, ndërsa makineritë dhe punonjësit janë në gatishmëri të plotë për ta përmbyllur me sukses këtë etapë të rëndësishme.

Urojmë që ky sezon të sjellë sa më shumë rendiment dhe të ardhura të qëndrueshme për të gjithë fermerët. Gëzuar dhe punë të mbarë të gjithëve!