Fëmija 11-vjeçar përplasur nga automjeti pranë shkollës, tragjedia trondit komunitetin

Një ngjarje e rëndë ka tronditur qytetin e Igumenicës në Greqi, ku një djalë 11-vjeçar ka ndërruar jetë pas një aksidenti tragjik rrugor. Fëmija po kthehej në shtëpi nga shkolla kur u përplas nga një automjet në një nga rrugët qendrore të qytetit.

Sipas raportimeve, 11-vjeçari tentoi të kalonte rrugën në një moment kur po afronte një automjet, dhe përplasja ishte e fuqishme, duke shkaktuar plagë të rënda. Ai u dërgua menjëherë në Urgjencën e Igumenicës dhe më pas në Spitalin e Filiates, por fatkeqësisht nuk arriti të mbijetojë.

Ngjarja ka ngritur shqetësime të mëdha në komunitet lidhur me sigurinë e këmbësorëve, sidomos fëmijëve që kalojnë pranë institucioneve arsimore. Autoritetet greke kanë nisur hetimet për të sqaruar shkaqet dhe rrethanat e aksidentit.

Tragjedia tronditi banorët e Igumenicës, duke rikujtuar nevojën urgjente për masa më të rrepta sigurie rrugore në zonat me trafik të lartë, sidomos pranë shkollave, për të mbrojtur jetën e fëmijëve.

“KORÇA BOOM”