Gjendet e pajetë në lumë 85-vjeçarja, ishte larguar nga banesa që në mëngjes
6 hours ago
1 min read
Një ngjarje e rëndë është regjistruar mesditën e sotme në lumin Devoll, pranë fshatit Kuç, ku është gjetur pa shenja jete një 85-vjeçare.
Sipas njoftimit të policisë, e moshuara me inicialet F. M. ishte larguar nga banesa mëngjesin e sotëm. Ajo vuante nga probleme të shëndetit mendor.
Nga këqyrja paraprake e trupit nuk janë konstatuar shenja dhune, ndërsa dyshimet e para janë se 85-vjeçarja mund të jetë mbytur në lumë.
Grupi hetimor po vijon punën për të përcaktuar shkakun e saktë të humbjes së jetës dhe për të zbardhur plotësisht rrethanat e kësaj ngjarjeje të rëndë.
“KORÇA BOOM”
















