Gëzuar ditëlindjen, Dr. Vlefta!

Sot, në ditën e lindjes së Dr. Vlefta Bejkos, kujtojmë një karrierë të ndërtuar mbi profesionalizmin, dijen dhe përkushtimin ndaj mjekësisë.

E lindur në Korçë, ajo e nisi rrugëtimin si mjeke e përgjithshme, për të vijuar më pas drejt specializimit në gastro-hepatologji dhe endoskopi. Formimi i saj profesional u pasurua në vazhdimësi në Shqipëri dhe në Mbretërinë e Bashkuar, ndërsa pjesëmarrja në kongrese europiane e mbajti të lidhur me zhvillimet bashkëkohore të fushës.

Përveç praktikës mjekësore, Dr. Vlefta ka dhënë kontribut në formimin e mjekëve të rinj, si trajnere në Qendrën e Trajnimit të Mjekut të Familjes në Korçë, si dhe në përfaqësimin e profesionit, duke shërbyer si Presidente e Urdhrit të Mjekut, Dega Korçë.

Një karrierë ku mjekësia, shkenca dhe përgjegjësia profesionale janë ndërthurur për më shumë se katër dekada.

Gëzuar ditëlindjen, Dr. Vlefta!

Shëndet, jetë të gjatë dhe mirënjohje për kontributin tuaj!

“KORÇA BOOM”