Humb jetën një person pas aksidentit mes dy makinave

Një aksident i rëndë automobilistik ka ndodhur mbrëmjen e së dielës në rrugën e Lumit të Vlorës, pranë fshatit Drashovicë, ku dy mjete janë përplasur me njëra-tjetrën.

Sipas burimeve nga Policia e Vlorës, dyshohet se si pasojë e përplasjes ka humbur jetën një person, ndërsa ende nuk ka një konfirmim zyrtar për bilancin përfundimtar.

Në vendngjarje kanë mbërritur forcat e policisë dhe grupi hetimor, të cilët po punojnë për zbardhjen e plotë të rrethanave të aksidentit.

Autoritetet pritet të japin detaje të tjera në vijim, ndërsa ngjarja ka shkaktuar shqetësim në zonë.

“KORÇA BOOM”