Humbje për politikën shqiptare, mbyll sytë në moshë të thyer ish-deputeti

Është ndarë nga jeta në moshën 96-vjeçare Tomor Dosti, dy herë deputet i Partia Demokratike e Shqipërisë dhe një nga figurat e njohura të së djathtës shqiptare pas viteve ’90.

I lindur në Gjirokastër në vitin 1930, ai ishte djali i ish-ministrit Hasan Dosti. Pas arratisjes së të atit dhe të vëllait, familja e tij u përball me persekutime të ashpra nga regjimi komunist. Nëna e tij u pushkatua nga forcat gjermane në ditën e largimit nga Tirana, ndërsa ai dhe pjesëtarët e tjerë të familjes kaluan vite të vështira përndjekjeje.

Në vitin 1953 u arrestua dhe u dënua me 25 vite heqje lirie për “tentativë arratisjeje”. Burgimin e vuajti në burgun e Burrel, mes shumë personaliteteve të kohës. Pas daljes nga burgu, ai dhe familja e tij përjetuan internimin.

Me rënien e komunizmit, në vitin 1991, iu bashkua Partia Demokratike e Shqipërisë, duke kontribuar në ndërtimin e profilit të saj në jug të vendit. Së bashku me figura si Pjetër Arbnori, Leka Tota, Uran Butka dhe Ajet Rusi, ai ndihmoi në formësimin e një profili të djathtë me theks në moralitetin kombëtar, pas dekadash të regjimit komunist.

Ndarja e tij nga jeta shënon humbjen e një prej figurave që përjetoi dhe dëshmoi nga afër periudhat më të vështira të historisë moderne shqiptare.