I zhdukur prej tre javësh, gjendet i pajetë 77-vjeçari në Pogradec

Pas gati tre javësh kërkime, një 77-vjeçar që ishte shpallur i zhdukur është gjetur i pajetë në fshatin Piskupat të Pogradecit.

Shtetasi N. M., 77 vjeç, ishte larguar nga banesa më datë 6 qershor, ndërsa ka qenë bashkëshortja e tij që ka kallëzuar rastin në polici, duke njoftuar për zhdukjen e të moshuarit.

Trupi i pajetë i 77-vjeçarit u gjet ditën e sotme, ndërsa shkaqet e vdekjes ende nuk janë përcaktuar.

Policia ka mbërritur në vendin e ngjarjes dhe po punon për sqarimin e rrethanave të plota të saj.

Hetimet paraprake janë në zhvillim, ndërsa priten rezultatet e ekspertizës mjeko-ligjore për të përcaktuar shkakun e saktë të vdekjes

Deklarata e policisë:

Pogradec/Informacion paraprak

Rreth orës 12:30, në një zonë të pyllëzuar mbi varrezat e qytetit është gjetur nga familjarët pa shenja jete, dhe pa shenja dhune shtetasi N. M. 77 vjeç, dyshohet i vetëvarur.

Ky shtetas ka qenë i larguar nga banesa që prej datës 06.06.2025.

Grupi hetimor po punon për zbardhjen e rrethanave të ngjarjes.

“KORÇA BOOM”