Identiteti gjinor dhe sporti, rasti i Nayara Ferreiras ndez opinionin publik

Së fundmi, media sportive shqiptare ka ndezur diskutime rreth volejbollistes braziliane të Dinamos, Nayara Ferreira, e cila është pezulluar nga aktivitetet sportive për shkak të dyshimeve mbi gjininë.

Federata sportive ka kërkuar që Ferreira të kryejë testin e gjinisë, ndërsa rasti ka marrë vëmendje të gjerë në rrjetet sociale dhe ka shkaktuar debate mbi trajtimin e sportistëve në situata të tilla.

Volejbollistja ka reaguar në mënyrë publike, duke e përshkruar situatën si të padrejtë dhe emocionuese:

“Ka qenë një eksperiencë e vështirë, por shpresoj që ata që më kanë gjykuar të kuptojnë gabimin e tyre. Unë jam thjesht një vajzë që ka të drejtën të jetojë, të vishet dhe të veproj sipas mënyrës që ndihem rehat dhe autentike. Nuk jam një grua e rreme; jam një grua e fortë dhe e vendosur.”

Ferreira ka theksuar gjithashtu se nuk do të dorëzohet përballë paragjykimeve:

“Gjithmonë kam punuar për të arritur qëllimet e mia dhe nuk do të lejoj që njerëz të tjerë të më pengojnë ose të më gjykojnë pa arsye. Unë jam Nayara dhe kam të drejtën të jem ajo që dua, si çdo grua tjetër.”

Çështja e saj pritet të shqyrtohet nga institucionet sportive përkatëse, ndërsa ka nxitur një debat të gjerë mbi të drejtat dhe respektimin e identitetit gjinor në sportin shqiptar.

"KORCA BOOM"