Ish-zv.kryeministri në kërkim ndërkombëtar, SPAK sqaron situatën

Drejtuesi i SPAK, Altin Dumani, iu është përgjigjur këtë të hënë pyetjeve të deputetëve lidhur me aktivitetin dhe punën e bërë nga institucioni që ai drejton.

Pyetjet e para që ka lexuar zoti Dumani kanë qenë ato të deputetes së PD, Jorida Tabaku, e cila ka kërkuar sqarime lidhur me inceneratorët dhe hetimet që po zhvillohen mbi ta.

Sa i përket pyetjeve të Tabakut përse Erion Veliaj nuk është hetuar për inceneratorin e Tiranës, Dumani tha se hetimet ende nuk janë mbyllur.

Ndërsa, sa i përket pyetjes se a është përpjekur SPAK të marrë dëshmitë e ish-zv.kryeministrit Arben Ahmetaj, drejtuesi i SPAK njoftoi se për momentin ai është një person në kërkim ndërkombëtar. Megjithatë, Dumani shtoi se asgjë nuk pengon që dikush të bëhet i penduar dhe dëshmitar i drejtësisë.

"KORCA BOOM"