KATEGORIA E PARË/ Java e 12-të e gjitha të dielën në një orë. Skënderbeu dhe Pogradeci për fitore në transfertë

Pas ndeshjeve të Kupës së Shqipërisë tashmë vjen radha e startit të fazës së dytë të kategorisë së parë, teksa këtë javë që përkon me javën e 12-të luhet e gjitha në një ditë dhe në një orë.

Në këtë mënyrë, të dielën e 23 nëntorit në orën 13:30 luhen të 6 çiftet, teksa përballjet pritet të jenë interesante dhe të bukura.

Skënderbeu kryesues i kategorisë së parë, këtë fazë të dytë e nis në Burrel, në këtë transfertë që nuk duket fort e lehtë edhe pse në ndeshjen e fazës së parë e mposhti Burrelin me rezultatin 3-0.

Nga ana tjetër Pogradeci me pretendime të mëdha në këtë sezon do të luajë po në transfertë, teksa e pret Lushnja dhe edhe kjo ndeshje pritet të dhurojë emocione të mëdha në “Roza Haxhiu”.

Më poshtë sjellim të gjitha duelet e kësaj jave: 

Java 12

(23.11.2025)

E DIEL

Ora 13:30 Laçi – Iliria

Ora 13:30 Lushnja – Pogradeci

Ora 13:30 Burreli – Skënderbeu

Ora 13:30 Apolonia – Kukësi

Ora 13:30 Korabi – Luftëtari

Ora 13:30 Kastrioti – Besa

“KORÇA BOOM”