Klito Fundo, poeti që i dha zë dashurisë dhe shpirtit korçar

Më 22 prill 1938, në Korçë, lindi Klito Fundo, një ndër figurat më të spikatura të jetës kulturore dhe intelektuale të qytetit dhe më gjerë.

Mësues, poet dhe gazetar, ai arriti të lërë gjurmë të rëndësishme në disa fusha njëherësh, duke u dalluar për stilin e tij të ndjeshëm dhe origjinal. Në gazetari, ai u përkushtua me pasion pasqyrimit të figurave historike, intelektualëve dhe personaliteteve sportive të Korçës, duke kontribuar në ruajtjen dhe pasurimin e kujtesës kulturore të qytetit.

Si poet, Klito Fundo u bë i njohur për vargjet e tij të kushtuara dashurisë dhe bukurisë femërore, të trajtuara me një ndjeshmëri të rrallë dhe një finesë të veçantë artistike.

Jeta e tij u shoqërua edhe me vështirësi. Për shkak të lidhjes familjare me Zai Fundo, ai përjetoi pasoja gjatë periudhës së regjimit komunist. Megjithatë, ai mbeti gjithmonë një njeri i urtë dhe i duruar, i respektuar dhe i rrethuar nga miq e bashkëpunëtorë të shumtë.

Në vitet e fundit të jetës, ai u ftua shpesh në studio televizive, ku u prezantua si poet i vargut erotik, ndonëse krijimtaria e tij ishte shumë më e gjerë dhe e larmishme se kaq.

Klito Fundo kujtohet si një figurë emblematike, për butësinë e shpirtit, ironinë e hollë dhe batutat e tij plot finesë, që e bënin gjithmonë të veçantë në çdo ambient shoqëror.

“KORÇA BOOM”