Korçë/ Certifikatë Karriere për Inspektorët Fazlli Mersinllari dhe Lulëzim Gjiriti

DVP Korçë

Drejtori i Përgjithshëm i Policisë së Shtetit, Drejtues Madhor Ilir Proda, u akordoi Certifikatën e Karrierës, dy punonjësve të policisë së Komisariatit Korçë:

• Inspektor Fazlli Mersinllari, me detyrë oficer i Patrullës së Përgjithshme pranë Komisariatit të Policisë Korçë.

• Inspektor Lulëzim Gjiriti, me detyrë ndihmës specialist i Policimit në Komunitet në Komisariatin e Policisë Korçë.

Në ambientet e Komisariatit të Policisë Korçë u zhvillua ceremonia e dorëzimit të certifikatave, me rastin e daljes në pension të dy efektivëve.

Drejtori i Drejtorisë Vendore të Policisë Korçë, Drejtues Islor Islami në emër të Drejtorit të Përgjithshëm dhe kolegëve, vlerësoi kontributin e z. Mersinllari dhe z. Gjiriti, të cilët kanë një karrierë mbi 35-vite në radhët e Policisë së Shtetit dhe, falë përkushtimit, korrektësisë dhe profesionalizmit, kanë arritur rezultate të larta në punë.

Punonjësit e Policisë falënderuan Drejtorin e Përgjithshëm për certifikatat e akorduara, si shenjë respekti dhe vlerësimi për punën e tyre ndër vite.

“KORÇA BOOM”