Korçë-Kolonjë-Maliq: Arrestime, kërkime dhe procedime për disa raste penale

Komisariati i Policisë Korçë ka ndaluar shtetasin S. F., 33 vjeç, banues në Korçë, pasi Gjykata e Korçës e ka dënuar me 20 ditë burg për veprat penale “Drejtimi i automjetit në mënyrë të parregullt” dhe “Mosbindja ndaj urdhrit të punonjësit të policisë së rendit publik”.

Po ashtu, policia ka referuar materialet në Prokurori dhe ka shpallur në kërkim shtetasin M. R., 29 vjeç, banues në Korçë, pasi dyshohet se ka ushtruar dhunë fizike ndaj bashkëshortes së tij.

Shërbimet e Komisariatit të Policisë Kolonjë kanë nisur procedimin penal ndaj shtetasit E. Sh., 39 vjeç, banues në Ersekë, për vjedhjen e disa materialeve alumini në magazinën e një 44-vjeçari.

Ndërkohë, Komisariati i Policisë Maliq ka dërguar materialet në Prokurori për nisjen të procedimit penal ndaj shtetasit P. H., 61 vjeç, i dyshuar se ka goditur me dorë një të mitur, si dhe ndaj shtetasit E. F., 30 vjeç, rezident në Itali, i dyshuar se ka kanosur me telefon një 22-vjeçar.

"KORCA BOOM"