Krim tronditës, dyshohet vr*sje dhe zjarrvënie pas ngjarjes

Një ngjarje e rëndë kriminale është regjistruar në Ulcinj, ku një 46-vjeçar nga Kosova dyshohet se ka vrarë bashkëjetuesen e tij dhe më pas i ka vënë zjarrin banesës ku jetonin.

Sipas mediave malazeze, shtetasi me inicialet B.G. është arrestuar nga autoritetet nën dyshimin për vrasjen e 36-vjeçares me origjinë nga Shqipëria, e identifikuar me inicialet D.N. Ngjarja ka ndodhur gjatë natës në lagjen “Kodra”.

Policia bën me dije se rreth orës 00:30 është marrë njoftimi për një zjarr në një objekt banimi. Pas mbërritjes në vendngjarje, efektivët kanë gjetur trupin e pajetë të gruas, e cila fillimisht nuk ishte identifikuar.

Në vendngjarje është gjetur edhe i dyshuari, i cili kishte pësuar lëndime nga zjarri. Ai është transportuar fillimisht në Spitali i Përgjithshëm i Tivarit dhe më pas në Qendra Klinike e Malit të Zi për trajtim mjekësor.

Hetimet po udhëhiqen nga Prokuroria e Lartë Shtetërore e Malit të Zi në bashkëpunim me policinë. Autoritetet kanë sekuestruar prova materiale, kanë marrë dëshmi nga persona të ndryshëm dhe kanë siguruar pamje nga kamerat e sigurisë në zonë.

Sipas të dhënave paraprake, dyshohet se 46-vjeçari ka kryer veprën penale të “vrasjes së rëndë”, më pas i ka vënë zjarrin banesës dhe është larguar nga vendi i ngjarjes.

Trupi i viktimës është dërguar për obduksion në Podgoricë, ndërsa i dyshuari mbetet nën mbikëqyrje policore gjatë trajtimit për djegiet e marra.

“KORÇA BOOM”