Kufiri Shqipëri-Kosovë: Lehtësim i lëvizjes për qytetarët e të dy vendeve

Lëvizja pa kontrolle në kufirin mes Shqipërisë dhe Kosovës është rikthyer për automjetet me targa shqiptare dhe kosovare. Vendimi, i cili hyri në fuqi më 1 nëntor, do të qëndrojë në zbatim deri në fund të shkurtit të vitit të ardhshëm.

Gjatë kësaj periudhe, kontrollet do të kryhen vetëm për automjetet me targa të huaja, por me një procedurë të përshpejtuar për të shmangur pritjet e gjata në pikat kufitare, veçanërisht në Morinë dhe Vermicë.

Ky regjim i lehtësuar u rikthye pas një muaji pezullim gjatë tetorit, kohë kur u krye regjistrimi dhe verifikimi i mjeteve dhe udhëtarëve. Edhe atëherë, gjatë fundjavave dhe festave zyrtare, qytetarët e të dy vendeve kalonin pa kontrolle.

"KORCA BOOM"