LAJMI FUNDIT/ Aksident në aksin Pogradec-Lin, përplasen dy automjete, plagosen 6 persona

Gjashtë persona kanë mbetur të plagosur si pasojë e një aksidenti rrugor të ndodhur mesditën e sotme në aksin Pogradec-Lin, pranë fshatit Piskupat.

Në aksident janë përfshirë dy automjete, të cilat janë përplasur me njëri-tjetrin. Nga përplasja kanë pësuar lëndime gjashtë persona, tre në secilin prej automjeteve.

Ekipet e urgjencës kanë transportuar të plagosurit drejt spitalit të Pogradecit, ku po marrin ndihmën e nevojshme mjekësore. Sipas informacioneve paraprake, të gjashtë personat ndodhen jashtë rrezikut për jetën.

Në vendngjarje kanë mbërritur shërbimet e Policisë, të cilat kanë nisur hetimet për të përcaktuar dinamikën dhe shkaqet e përplasjes.

“KORÇA BOOM”