LAJMI I FUNDIT/ Numërohen 2 mijë votat e para. Ja renditja e deritanishme e kandidatëve të PD-së

Ka vijuar gjatë natës së mbrëmshme numërimi i votave për kandidatët në zarfat e Diasporës për qarkun e Korçës. Pas numërimit të subjekteve, procedurë që zgjati plot 1 javë, filloi menjëherë numërimi i votave për kandidatët, teksa janë numëruar deriu tani 1920 vota.

Janë gjithsej për tu numëruar 16.550 vota, ndërkohë që më poshtë po sjellim renditjen e deritanishme të kandidatëve të Partisë Demokratike, ku për votën e Diasporës kryeson Edmond Spaho me 97 vota.

Menjëherë pas tij vjen Jorida Mazelliu me 94 vota dhe i treti vjen Fidel Kreka me 68 vota.

I katërti renditet Andrea Mano me 59 vota, ndërkohë që të tjerët me më pak vota. Numërimi do të vijojë deri në votën e fundit, ndërkohë që këto vota do të mblidhen në fund me votat e marra nga kandidatët në qarkun e Korçës:

Renditja e kandidatëve të PD-ASHM në 1920 vota të numëruara:

Edmond Spaho               97 vota

Jorida Mazelliu               94 vota

Fidel Kreka                      68 vota

Andrea Mano                  59 vota

Genti Çela                       52 vota

Kristiano Koçibelli           48 vota

Gentian Çala                   30 vota

Enton Çaçani                  10 vota

Brunilda Prifti                  8 vota

Elsuida Vila                      6 vota

“KORÇA BOOM”