Tragjedi familjare: V*et bashkëshorten dhe më pas v*et veten

Një ngjarje tragjike ka tronditur Italinë, ku një 63-vjeçar ka vrarë bashkëshorten e tij dhe më pas i ka dhënë fund jetës.

Sipas mediave italiane, Pasquale Calzone, kontabilist 63-vjeçar, qëlloi për vdekje gruan e tij Assunta Currà, 55 vjeçe, me disa të shtëna me armë zjarri dhe më pas u vetëvra me të njëjtën armë. Ngjarja ndodhi në Mileto, në provincën e Vibo Valentia.

Raportohet se çifti ishte i ndarë prej rreth një viti. Vrasja dhe vetëvrasja ndodhën brenda banesës së burrit. Sipas hetimeve paraprake të Karabinierëve, dyshohet se krimi ndodhi pas një grindjeje të lidhur me ndarjen e tyre.

Autoritetet bëjnë me dije se arma e përdorur ishte e regjistruar ligjërisht në emër të autorit. Hetimet vijojnë për të sqaruar plotësisht rrethanat e ngjarjes së rëndë.

"KORCA BOOM"