Motra 16-vjeçare plagoset nga vëllai i mitur

Një ngjarje e rëndë ka ndodhur në Selanik, ku një 14-vjeçar shqiptar është arrestuar nga policia greke për sulm ndaj motrës së tij 16-vjeçare.

Incidenti ndodhi të enjten në orën 17:30, në zonën e Asvestoçorit, ku i mituri dyshohet se e sulmoi brutalisht motrën, duke i shkaktuar dëmtime në fytyrë.

16-vjeçarja u dërgua menjëherë në spital për ndihmë mjekësore, dhe më pas u largua për në shtëpi. Ndaj të miturit rëndon akuza për veprën penale “Dhuna në familje”. Pas procedurave, ai u paraqit para prokurorit dhe më pas u lirua, ndërsa hetimet paraprake vazhdojnë.

"KORCA BOOM"