LAJMI I ORËS SË FUNDIT/ Devolli mbyll marrëveshjen me trajnerin që do të drejtojë devollinjtë, mësoni emrin...

Ekipi i Devollit ka gjetur trajnerin e ri që do të udhëheqë skuadrën në vazhdim të sezonit. Burime pranë klubit kanë konfirmuar se drejtimin e ekipit do ta marrë Vasian Ballço një trajner me përvojë në fushën e trajnimit.

Pas disa ditësh bisedimesh intensive, mësohet se presidenti i klubit dhe njëkohësisht kryebashkiaku i Devollit, Eduard Duro, është bindur mbi projektin që palët kanë ndërtuar për të ardhmen e ekipit.

Lajmi është konfirmuar edhe nga ekzekutivi i klubit, Ermir Lukara, i cili deklaroi:“Tashmë mund të themi se gjithçka është mbyllur me trajnerin e ri. Dua të falënderoj të gjithë trajnerët që shprehën gatishmërinë për të drejtuar ekipin. Shpresojmë që me trajnerin e ri të jemi në garë për objektivin tonë dhe besoj se skuadra do të ketë më shumë motiv për të luftuar.”

Nga sa mësohet, trajneri i ri do të ketë pranë vetes edhe zëvendësin e tij, Erlis Frashërin, i cili do ta shoqërojë në pankinë për vazhdimësinë e projektit teknik të Devollit.

Ky ndryshim në stafin teknik shihet si një hap i rëndësishëm për ekipin, që synon të forcojë pozitat dhe të arrijë objektivat në kampionat.

"KORCA BOOM"