Mbi 4 mijë masa administrative në një javë, alarm për drejtuesit e pakujdesshëm

Policia Rrugore e Tiranës bëri bilancin e shkeljeve të kryera nga drejtuesit e automjeteve gjatë javës nga 15 deri më 21 dhjetor 2025. Sipas njoftimit zyrtar, gjatë kësaj periudhe janë vendosur gjithsej 4,744 masa administrative.

Nga këto, më të shpeshtat janë:

• 1,838 për qarkullim me shpejtësi mbi normat e lejuara

• 1,207 për përdorimin e celularit gjatë drejtimit

• 722 për mosvënien e rripit të sigurimit

• 653 për mosvendosjen e kaskës mbrojtëse

• 250 për mosrespektim të radhës së qarkullimit

• 74 për parakalim të gabuar

Gjithashtu, për shkelje të rënda të Kodit Rrugor dhe vepra penale në qarkullim:

• janë arrestuar 32 persona

• janë bllokuar 53 automjete

Policia Rrugore apelon te të gjithë drejtuesit e mjeteve dhe përdoruesit e rrugës që të respektojnë rregullat e qarkullimit, duke theksuar se kjo është jetike për sigurinë rrugore dhe mbrojtjen e jetës. Kontrollet janë intensifikuar, sidomos për shkak të afrimit të festave të fundvitit dhe shtimit të fluksit të lëvizjes në kryeqytet.

"KORCA BOOM"