Me presidentin Eduard Duro kryebashkiak dhe një staf të besuar: Devolli kërkon më shumë

Devolli ka prezantuar foton zyrtare në nisje të sezonit të ri, duke dhënë një sinjal të qartë për ambiciet që ka për këtë vit. Me një organizim serioz dhe një projekt të ndërtuar mbi besim dhe profesionalizëm, ky sezon pritet të jetë ndër më të suksesshmit për skuadrën nga Devolli.

Objektivi kryesor është ngjitja në një kategori më të lartë, dhe këtë e tregon mbështetja e fortë që vjen nga drejtuesit e klubit.

Presidenti i ekipit, Eduard Duro, i cili është njëkohësisht edhe kryebashkiaku i Devollit, ka shprehur besimin e plotë te drejtuesi ekzekutiv Ermir Lukra dhe trajneri Erindi Maneshi. Të dy janë vlerësuar për profesionalizmin dhe përgatitjen që kanë treguar në ndërtimin e një skuadre konkurruese.

Tani mbetet që pritshmëritë e larta të përkthehen në rezultate pozitive në fushën e lojës. Ekipi i Devollit është gati të përballet me sfidat e sezonit, me synimin për të përfaqësuar denjësisht qytetin dhe për të ngjitur një tjetër shkallë në futbollin shqiptar.

“KORÇA BOOM”