Mijëra banorë të zhvendosur, ekipet e shpëtimit luftojnë për jetët e tyre

Numri i viktimave nga tajfuni Kalmaegi në Filipine ka kaluar shifrën 90, duke e kthyer këtë stuhi në një nga përmbytjet më shkatërrimtare të viteve të fundit në rajonin e Azisë Juglindore.

Provinca Cebu, më e goditura nga stuhia, ka regjistruar 35 trupa të nxjerra nga një qytet bregdetar i përmbytur, duke e çuar numrin e përgjithshëm të të vdekurve në këtë zonë në 76 persona.

Ndërkohë, Zyra Kombëtare e Mbrojtjes Civile konfirmoi të paktën 17 viktima të tjera në provinca të ndryshme, ndërsa ekipet e shpëtimit vazhdojnë kërkimet në zona të izoluara për shkak të rrëshqitjeve të dheut dhe prishjeve të rrugëve.

Autoritetet filipinase kanë shpallur gjendjen e jashtëzakonshme në disa rajone dhe po përqendrojnë përpjekjet për të siguruar ndihma urgjente, përfshirë ushqim, strehim dhe ujë të pijshëm për mijëra banorë të zhvendosur.

"KORCA BOOM"