MIK Festival 2025 hap dyert në Korçë

Sot nis edicioni i 8-të i MIK Festival, një prej ngjarjeve më të rëndësishme kulturore që jo vetëm gjallëron verën në Korçë, por thellon edhe miqësinë mes popujve përmes muzikës.

Mbrëmja e parë çelet në orën 19:30, në një nga vendet më të veçanta të qytetit, Hani i Pazarit, me koncertin “Miqësia Shqipëri–Kinë nën tingujt e muzikës klasike dhe tradicionale”. Artistët Guo Gan, XIA Wang dhe Genc Tukiçi do të sjellin një bashkëdyzim kulturor përmes një gjuhe të përbashkët: muzikës.

Ky festival është më shumë se një festë artistike; është një pasuri për qytetin dhe një dritare e hapur për botën. Korça është gati të dëgjojë, të ndjejë dhe të frymëzohet.

“KORÇA BOOM”