Moti i keq! Dhjetëra banesa në Maliq të përmbytura nga uji, banorët: Nuk dilje dot nga shtëpia, niveli shkoi 1 metër

Në fshatin Sovjan, Maliq gjatë orëve të para të mëngjesit uji ka depërtuar në dhjetëra banesa. Dëme po ashtu ka pasur në zahiretë dhe gjënë e gjallë.  

Sipas banorëve uji ka hyrë në oborret dhe katet e para të shtëpive dhe ata janë detyruar të dalin jashtë prej orës 3 të mëngjesit ndërsa është dashur ndërhyrja e zjarrfikëses për të normalizuar situatën.

“Kam 150 kokë dhenë në haur. Na erdhëm emeregjencat na thanë merrni sendet dhe shpëtoni veten tuaj. Nuk dilnim dot nga banesa. Erdhi edhe zjarrfikësja. Duhen bërë pastrimet e kanaleve”, tha një banore.

“Uji është futur në shtëpi. Kam shumë dëme. Nuk dilje dot nga banesa, shkoi uji 1 metër”, tha një banor tjetër.

“Uji i gjithë në shtëpi. Kuzhina është dëmtuar. Nga ora 4 uji shpërtheu në banesë. U zgjova pas lehjes së qenit. Nuk iki prej shtëpisë”, tha një banore tjetër./ Oranews

“KORÇA BOOM”