Ndahet nga jeta Brigitte Bardot, ikona e kinemasë franceze

Brigitte Bardot, e lindur më 28 shtator 1934 dhe shpesh e njohur nga mediat me inicialet B.B., aktore, modele, këngëtare dhe aktiviste sociale, u nda nga jeta sot, më 28 dhjetor 2025.

Për dekada me radhë, Bardot ishte një nga gratë më të dëshiruara në botë, duke tërhequr vëmendjen si në ekranin e kinemasë, ashtu edhe në jetën publike. Përveç karrierës së saj të suksesshme si aktore, Brigitte Bardot u bë e njohur edhe për angazhimin e saj në mbrojtjen e kafshëve.

Ajo vetë kishte thënë një herë: «Gjithmonë kam menduar se do të xhiroja filma vetëm për t’i blerë vetes një fermë ku të rrisja kafshë. Si Borëbardha, e rrethuar nga zogj, drerë dhe ketra».

Pas ndarjes nga jeta në moshën 91-vjeçare, trashëgimia e saj përfshin rreth 60 filma, si dhe Fondacionin e saj, i cili çdo vit mblidhte rreth 15 milionë euro donacione dhe ka ndihmuar në shpëtimin e mijëra kafshëve. Brigitte Bardot mbetet një figurë e paharrueshme e kinemasë dhe një simbol i angazhimit për të drejtat e kafshëve.

"KORCA BOOM"