Nga pista në burg: Piloti 23-vjeçar pranon se v*rau babanë pas një zënke familjare

Një ngjarje tronditëse ka goditur Spanjën dhe botën e garave automobilistike. Ish-piloti i njohur i garave me makina, 23-vjeçari Antolin González, ka pranuar para autoriteteve se ka vrarë babanë e tij me një goditje thike në qafë, pas një konflikti të ashpër familjar.

Sipas mediave spanjolle, ngjarja ka ndodhur në banesën familjare të González, në qytetin Valladolid. Pas debatit të rëndë me të atin, i riu dyshohet se e ka goditur me thikë, duke i shkaktuar vdekjen e menjëhershme.

Policia ka mbërritur menjëherë në vendngjarje, pasi fqinjët kishin dëgjuar britmat dhe kishin njoftuar urgjentisht shërbimet e emergjencës. González nuk ka bërë rezistencë në momentin e arrestimit dhe ka pranuar menjëherë krimin, duke thënë: “Nuk doja ta bëja, por humba kontrollin.”

Ngjarja ka tronditur opinionin publik dhe komunitetin e motorsportit spanjoll, pasi Antolin González konsiderohej një nga talentet më premtues në garat e shpejtësisë. Ai kishte marrë pjesë në disa kompeticione evropiane për të rinj, duke fituar edhe disa çmime ndërkombëtare.

Autoritetet spanjolle kanë nisur hetimet për zbardhjen e plotë të rrethanave të krimit, ndërsa 23-vjeçari ndodhet aktualisht në paraburgim në pritje të seancës gjyqësore.

"KORÇA BOOM"