Nga rrjeti elektrik te fushat e djegura/ Dëme dhe hetime në fshatrat e Korçës

Një zjarr ka rënë më datë 19 gusht 2025 në fshatin Çiflig të Korçës. Dyshohet se shkaku ka qenë një shkëndijë në rrjetin elektrik, e cila ka shkaktuar djegien e një sipërfaqeje toke të mbjellë me bimë bujqësore.

Ndërkohë, shërbimet e Policisë kanë proceduar penalisht dy shtetas:

– E. B., 32 vjeç, banues në Sovjan, i cili ka dëmtuar me zjarr një sipërfaqe toke me bimë të mbjella, pronë e një 36-vjeçari.– V. K., 53 vjeç, banues në Bregas, i cili ka shkaktuar dëme në një sipërfaqe toke të mbjellë me kultura dhe hardhi, në pronësi të një 27-vjeçari.

Materialet iu referuan Prokurorisë për hetime të mëtejshme.

“KORÇA BOOM”