Nga viti 1940 në përjetësi, historia e qëndresës greke në “Ditën e Jo-së”

Ishte viti 1940 dhe kryeministër i Greqisë në atë kohë ishte Ioannis Metaxas. Ambasadori italian paraqiti pranë tij një ultimatum, në të cilin qeveria italiane e Benito Musolinit kërkonte që ushtria italiane të hynte në Greqi dhe të pushtonte të gjitha pozicionet strategjike të vendit. Me fjalë të tjera, bëhej fjalë për një kërkesë për dorëzim pa kushte.

Në mëngjesin e 28 tetorit, populli grek reagoi me vendosmëri. Pavarësisht përkatësisë politike apo shoqërore, njerëzit dolën në rrugë duke brohoritur me zë të lartë fjalën “Jo”. Kjo fjalë u kthye në simbol të qëndresës dhe krenarisë kombëtare greke.

Që nga viti 1942, kjo ditë është festuar si “Dita e Jo-së” (Ohi Day), fillimisht nga anëtarët e rezistencës dhe më pas, pas përfundimit të luftës, nga e gjithë shoqëria greke.

Sot, 28 tetori shënohet me parada të nxënësve, studentëve dhe forcave të armatosura në mbarë Greqinë, si një kujtesë për vendosmërinë e popullit grek për të mos u dorëzuar përballë pushtimit.

"KORCA BOOM"