Njoftim i Klubit Shumësportësh Skënderbeu!

Njoftim i Klubit Shumësportësh Skënderbeu!

Klubi Shumësportësh Skënderbeu nis përgatitjet për sezonin e ri të volejbollit për femra me ambicie të qarta dhe një projekt të ri sportiv!

Pavarësisht largimeve, klubi vazhdon me përkushtim rrugën e zhvillimit dhe ringritjes.

Me krenari theksojmë se kemi dy ekipe moshash kampione, të cilat do të jenë baza e së ardhmes së ekipit të parë. Nën drejtimin e trajnerëve Olsi Haxhillari dhe Julian Shishi, puna me të rinjtë ka sjellë rezultate premtuese dhe energji të re në strukturat tona.

Për sezonin 2025–2026, ekipi i parë do të paraqitet me një formacion të rinovuar, duke përfshirë edhe gjashtë afrime të reja, të cilat do të forcojnë skuadrën në objektivat e saj kompetitive.

Objektivi ynë është të ndërtojmë një ekip konkurrues, të mbështetur në talentet lokale dhe në përkushtimin maksimal të stafit teknik.

Faleminderit të gjithë tifozëve dhe mbështetësve tanë për besimin dhe përkrahjen e vazhdueshme. Sezoni i ri është një sfidë dhe një mundësi për të vazhduar traditën fituese të Skënderbeut

Klubi Skënderbeu ka nisur përgatitjet intensive për sezonin e ri edhe me ekipin e meshkujve me synimin e qartë: fitimin e titullit kampion

Pas një sezoni mbresëlënës, ku skuadra jonë u dallua për shpirt gare dhe performancë të lartë, këtë vit vijojmë të ndërtojmë mbi atë sukses.

Deri tani janë zyrtarizuar dy lojtarë të huaj cilësorë, të përzgjedhur për të sjellë eksperiencë dhe forcë shtesë në fushë.

Këtyre u bashkohen lojtarët tanë korçarë të talentuar, që sezonin e kaluar na bënë krenarë me paraqitjen e tyre, shpirtin luftarak dhe përkushtimin ndaj fanellës.

Me një grup të balancuar mes përvojës dhe rinisë, dhe me mbështetjen e pandalshme të tifozëve tanë, synojmë majat e kampionatit kombëtar.

Faleminderit për besimin dhe përkrahjen – na presin emocione të mëdha!

Forca Skënderbeu!

“KORÇA BOOM”