Një ditë për të reflektuar mbi rëndësinë e solidaritetit dhe ndihmës ndaj njëri tjetrit

Më 20 dhjetor shënohet Dita Ndërkombëtare e Solidaritetit Njerëzor, e cila synon të rrisë ndërgjegjësimin për rëndësinë e solidaritetit, veçanërisht në nivel global.

Kjo ditë shërben si një kujtesë se duke punuar së bashku dhe duke treguar solidaritet, mund të ndërtojmë një botë më të mirë për të gjithë. Ajo nxit bashkëpunimin për arritjen e qëllimeve të përbashkëta, si paqja, drejtësia sociale dhe zhvillimi i qëndrueshëm.

Dita Ndërkombëtare e Solidaritetit Njerëzor thekson besimin se veprimet kolektive kanë fuqinë të sjellin ndryshime pozitive në shoqëri. Është një moment reflektimi mbi rëndësinë e ndihmës ndaj njëri-tjetrit dhe një thirrje për të ndërmarrë veprime konkrete në mbështetje të atyre që kanë më shumë nevojë.

Festimi i kësaj dite përfshin angazhimin në iniciativa që promovojnë unitetin, empatinë dhe bashkëpunimin. Mbështetja e kauzave bamirëse, vullnetarizmi në organizata humanitare, rritja e ndërgjegjësimit për çështje globale dhe organizimi i aktiviteteve komunitare janë disa nga mënyrat për të kontribuar në ndërtimin e një shoqërie më të drejtë dhe gjithëpërfshirëse.

"KORCA BOOM"