Një kujtim i artë nga parketi. Skënderbeu vs Vllaznia, viti 1984

Një fotografi e rrallë dhe e veçantë rikthen pas në kohë një moment nga historia e basketbollit shqiptar. Para fillimit të takimit mes Skënderbeut dhe Vllaznisë, në vitin 1984, pesëshja korçare që zbarkoi në parket ishte përbërë nga këta emra: Artur Tashuli, Ilia Sholla, Përparim Kutrolli, Edmond Shkodrani dhe Emil Papa.

Ky çast i fiksuar përpara nisjes së ndeshjes nuk është vetëm një kujtim sportiv, por edhe një dëshmi e pasionit dhe përkushtimit të brezit të atëhershëm të basketbollistëve korçarë. Në një periudhë kur sporti nuk mbështetej nga teknologjia, mediat apo komercializmi i sotëm, këta djem ishin përfaqësues të denjë të qytetit të tyre, duke e mbajtur gjallë krenarinë korçare në arenat kombëtare.

Skënderbeu i viteve ’80 ishte më shumë sesa një ekip – ishte një shpirt gare dhe një simbol i disiplinës në fushë. Tifozët e mbushnin palestrën me zell, ndërsa emra si Tashuli, Sholla, Kutrolli, Shkodrani dhe Para ishin figura që frymëzonin breza të tërë sportdashësish.

Sot, kjo foto shërben si një dritare për të parë jo vetëm një moment sportiv, por edhe një pjesë të identitetit kulturor dhe komunitar që Korça ka ruajtur me fanatizëm.

Brezat ndryshojnë, por historia e shkruar nga këta sportistë mbetet një pasuri e patjetërsueshme e qytetit.

“KORÇA BOOM”