“Nuk e di kush je, por…!”/ Bes Kallaku reagon pas fjalëve të vajzës në protestë: Hallall qumështi i nënës

Aktori i njohur Bes Kallaku ka shprehur publikisht mbështetjen për protestën e studentëve në Tiranë, duke shpërndarë në Instagram videon e një vajze, deklaratat e së cilës kanë tërhequr vëmendje në rrjetet sociale.

Në videon e publikuar nga aktori, e reja shfaqet e emocionuar teksa flet për vështirësitë ekonomike me të cilat përballen qytetarët shqiptarë dhe për diferencat mes jetesës së njerëzve të zakonshëm dhe pasurisë së politikanëve.

Ajo ndalet te kontrasti mes politikanëve që, sipas saj, zotërojnë pasuri miliona euroshe dhe qytetarëve që përpiqen të përballojnë shpenzimet e përditshme me paga rreth 500 euro, të cilat shpesh nuk mjaftojnë as për të paguar qiranë.

Fjalët e vajzës, të shoqëruara me emocione dhe lot në sy, kanë tërhequr edhe vëmendjen e Bes Kallakut, i cili ka vendosur ta ndajë videon me ndjekësit e tij.

“Nuk e di kush je, por hallall qumështi i nënës”, ka shkruar aktori krahas publikimit, duke shprehur vlerësimin për mesazhin e saj.

Reagimi i Kallakut vjen në një moment kur protesta e studentëve në kryeqytet ka nxitur diskutime të shumta për gjendjen ekonomike, kushtet e jetesës dhe kërkesat e të rinjve.

Përmes këtij postimi, aktori u është bashkuar figurave publike që kanë reaguar për zhvillimet e fundit, ndërsa videoja e vajzës ka marrë vëmendje për mesazhin e saj mbi vështirësitë e qytetarëve.

“KORÇA BOOM”