top of page

Nuk ndalet Pogradeci, përforcon stafin dhe përgatit lëvizjet e janarit

4 hours ago
1 min read

KF Pogradeci ka bërë një lëvizje të rëndësishme në organizimin e stafit teknik, duke afruar Ylli Bakajn, i cili së fundmi ishte pjesë e FC Malishevës, skuadrës pretendente për titullin kampion në Superligën e Kosovës.


Bakaj rikthehet te Pogradeci, ku do të marrë përsipër detyra në përgatitjen fizike të futbollistëve dhe analizën e lojës. Por roli i tij nuk do të kufizohet vetëm në këto fusha.


Ai pritet të ketë përgjegjësi edhe në merkaton e janarit, duke ndihmuar klubin liqenor në identifikimin dhe përzgjedhjen e futbollistëve që mund të përforcojnë skuadrën.


Ylli Bakaj ka qenë më herët pjesë e Kombëtares së Shqipërisë, ndërsa së fundmi ka kontribuar edhe në Federatën e Futbollit të Kosovës, në kuadër të projektit FIFA Academy.


Një rikthim që pritet të sjellë eksperiencë dhe kontribut në disa drejtime për Pogradecin, ndërsa merkatoja e janarit do të tregojë se cilat do të jenë lëvizjet e radhës të klubit.

“KORÇA BOOM”


bottom of page