Operacion i papritur në Pogradec: Policia godet pasuritë e paligjshme

Forca të shumta policie janë përfshirë në një operacion të madh në qytetin e Pogradecit, me qëllim sekuestrimin e pasurive të paluajtshme që dyshohet se janë përfituar nga veprimtaria kriminale.

Sipas burimeve zyrtare, operacioni është ende në vijim dhe autoritetet nuk kanë dhënë ende informacion të detajuar mbi identitetin e subjektit apo llojin e pronave të sekuestruara.

Policia dhe strukturat përkatëse janë duke zhvilluar kontrolle në disa zona të qytetit, ndërsa në orët në vijim pritet që të ketë më shumë informacion mbi përmasat e aksionit dhe masat ligjore që do të ndërmerren.

Ky operacion është pjesë e përpjekjeve të autoriteteve për të goditur pasuritë që burojnë nga aktiviteti i paligjshëm dhe për të forcuar luftën kundër krimit të organizuar në vend.

“KORÇA BOOM”