Personalizimi që shpëton jetë: Vaksina kundër kancerit që mund të hapë kapitullin më të madh në onkologji

Sipas drejtueses së saj, Veronica Skvortsov, vaksina ka kaluar me sukses provat paraklinike, duke demonstruar si siguri, ashtu edhe efektivitet të lartë, raporton The Economic Times.

Në fazat eksperimentale, kjo vaksinë ka treguar rezultate premtuese, duke ndikuar në tkurrjen e tumoreve dhe ngadalësimin e rritjes së tyre. Sipas specialistëve, trajtimi është shfaqur i efektshëm për disa lloje kanceri, përfshirë kancerin e trurit dhe atë të lëkurës, që konsiderohen ndër më agresivët dhe të vështirët për t’u trajtuar me terapitë klasike.

Një element inovativ i vaksinës është fakti se ajo do të personalizohet për secilin pacient në bazë të ARN-së së tij individuale. Kjo qasje pritet të rrisë ndjeshëm shanset e suksesit të trajtimit, pasi mjekimi do të ndërtohet sipas profilit unik biologjik të çdo individi.

Ky zhvillim konsiderohet një hap i madh drejt mjekësisë së personalizuar, e cila është duke fituar terren në luftën kundër sëmundjeve të rënda, duke kombinuar teknologjinë e avancuar me nevojat specifike të pacientit.

“KORÇA BOOM”