Pesë kundër njërit: Dhunë e rëndë, një 16-vjeçar mes jetës dhe v*dekjes pas goditjes me t*hikë

Të plagosur kanë mbetur dy të rinj të moshës 16 vjeç. Burime nga Spitali i Traumës bëjnë me dije se njëri prej tyre po mbahet nën monitorim intensiv për shkak të plagëve në kraharor, ndërsa i mituri tjetër ndodhet jashtë rrezikut për jetën.

Deklaratat nga terreni:

• Nxënësi i parë: “Në momentin që pashë sherrin, më bëri përshtypje që ishin pesë veta kundër njërit. Ai djali ishte në klasën ngjitur me mua, në vitin e dytë. Janë zënë që dje në pushimin e gjatë. Djemtë që kishin thikën nuk janë të shkollës tonë. Djali që u godit ishte i urtë.”

  
  

• Nxënësi i dytë: “Vajzat filluan të qanin kur panë ngjarjen.”

  
  

• Një prind: “Erdha dhe u sigurova që nuk ishte vajza ime. Në këtë shkollë nxënësit nuk janë të sigurt. Pashë lajmin dhe erdha menjëherë.”

  
  

Shkaqet e sakta të konfliktit nuk dihen ende, por sipas policisë, të rinjtë janë përfshirë në një përplasje për motive të dobëta. Disa persona janë shoqëruar nga policia dhe po merren në pyetje për të zbardhur plotësisht rrethanat e ngjarjes.

“KORÇA BOOM”