Plagosje me thikë në Korçë, një person në gjendje të rëndë

Një ngjarje e rëndë ka ndodhur në fshatin Dvoran të Korçës, ku një person është plagosur me armë të ftohtë.

I dëmtuari është transportuar menjëherë drejt spitalit rajonal dhe aktualisht ndodhet në repartin e reanimacionit, për shkak të gjendjes së rënduar shëndetësore.

Rrethanat e ngjarjes ende nuk janë sqaruar plotësisht. Policia ndodhet në vendin e ngjarjes dhe ka nisur hetimet për të zbardhur motivet dhe autorin e sulmit.

Korçë/Informacion paraprak

Rreth orës 19:00, në fshatin Mollaj, Korçë, shtetasi A. K., 27 vjeç, është dëmtuar, dyshohet me mjet prerës thikë nga shtetasi A. Q, 41 vjeç.

27-vjeçari, po merr ndihmë mjekësore në spital.

Autori i dyshuar i ngjarjes shtetasi A. Q., është shoqëruar në Komisariat për veprime të mëtejshme.

Shërbimet e Policisë kanë gjetur dhe sekuestruar mjetin prerës thikë që dyshohet se shtetasi A.Q, ka plagosur 27 vjeçarin.

Grupi hetimor nën drejtimin e Prokurorisë po punon për zbardhjen e rrethanave të ngjarjes

"KORÇA BOOM"