POLICIA/ Arrestohet 41-vjeçari që vodhi varëse floriri në lagjen 12-të në Korçë, mbante dhe kokainë me vete!

Drejtoria Vendore e Policisë Korçë

Dje, i vodhi varësen e floririt, një 82-vjeçareje, kapet dhe vihet në pranga 41-vjeçari. I arrestuari posedonte një sasi kokaine dhe një përforcues grushti.

Specialistët e Sektorit të Narkotikëve kapën dhe arrestuan në flagrancë shtetasin E. R., 41 vjeç, banues në Korçë. Nga hetimet dyshohet se ky shtetas, dje, në lagjen nr.12, i ka vjedhur një 82-vjeçareje, varësen e floririt që mbante në qafë. Gjatë kontrollit fizik dhe kontrollit në banesë, atij iu gjetën një sasi lënde e dyshuar narkotike kokainë dhe një përforcues grushti, të cilat u sekuestruan në cilësinë e provës materiale.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.

“KORÇA BOOM”