Policia arreston burrin për abuzim seksual ndaj vajzës së tij të mitur

Policia italiane ka arrestuar një burrë që jetonte në provincën e Breshias me akuzën e abuzimit seksual ndaj vajzës së tij të mitur, e cila, sipas hetimeve, dyshohet se ka mbetur shtatzënë si pasojë e abuzimit.

Arrestimi u krye nga policia e Lombardisë në përputhje me një urdhër paraburgimi të lëshuar nga Prokuroria, pas hetimeve fillestare që zbuluan rastin.

Incidenti doli në pah kur vajza u dërgua në urgjencë nga nëna e saj për dhimbje të forta barku. Testet mjekësore konfirmuan shtatzëninë, duke nxitur raportime dhe nisjen e një hetimi të gjerë nga autoritetet.

Sipas hetuesve, vajza ishte abuzuar për vite me radhë nga babai i saj, i cili dyshohet se shfrytëzoi pozicionin e tij brenda familjes për të kryer krimet. Babai u dërgua menjëherë në burg, ndërsa hetimet për mbledhjen e më shumë provave dhe për sqarimin e plotë të rrethanave të ngjarjes vazhdojnë.

"KORCA BOOM"