Prof. Manjola Zaçellari prezanton në Akademinë e Shkencave në Vjenë, gjetje të reja mbi trashëgiminë gjuhësore shqiptare
Prof. Asoc. Dr. Manjola Zaçellari mbajti një ligjëratë shkencore në Akademinë Austriake të Shkencave, në Vjenë, me titull “Albanian Traces in Austrian Archives: Linguistic Heritage, Historical Documentation, and New Research Perspectives” (Gjurmë shqiptare në arkivat austriake: Trashëgimia gjuhësore, dokumentacioni historik dhe perspektiva të reja kërkimore).
Ligjërata solli në vëmendje rëndësinë e burimeve arkivore austriake për studimin e historisë së gjuhës shqipe, veçanërisht të traditës së saj të shkruar, dokumentimit historik dhe zhvillimit të studimeve albanologjike.
Ligjërata theksoi rëndësinë e hulumtimit sistematik të fondeve arkivore për identifikimin e materialeve të panjohura ose pak të studiuara, të cilat mund të kontribuojnë në pasurimin e njohurive mbi historinë e shqipes së shkruar dhe marrëdhëniet intelektuale e shkencore shqiptaro-austriake.
Aktiviteti u zhvillua në Akademinë e Shkencave, në Vjenë, i cili u pasua me diskutime mbi kërkimet albanologjike.
"KORÇA BOOM"
