Projekti më i ri i Bashkisë Devoll: Ngritja e Qendrës Rinore në Bilisht

Bashkia Devoll, me bashkëfinancim nga Fondi Shqiptar i Zhvillimit, ka nisur zbatimin e një projekti ambicioz për krijimin e Qendrës Rinore të Devollit, një hapësirë moderne e dedikuar për të rinjtë dhe kulturën.

Ky investim i rëndësishëm do të sjellë:

Bibliotekën e re të qytetit, me hapësira bashkëkohore për lexim dhe studim, si dhe bibliotekë dixhitale me akses në libra online dhe audiobook.

Ambiente për trajnime, ekspozita dhe aktivitete kulturore, duke krijuar më shumë mundësi për zhvillimin e të rinjve.

Hapësira të përshtatura për PAK, me akses të garantuar përmes ashensorit dhe kushteve të nevojshme.

Ekspozitë të përhershme interaktive, që do të prezantojë natyrën dhe kulturën e Devollit nëpërmjet teknologjisë moderne.

Ky projekt transformon një godinë ekzistuese në zemër të Bilishtit dhe e kthen atë në një qendër multifunksionale për arsimin, kulturën dhe rininë.

Me këtë investim, Bashkia Devoll bën një hap të madh përpara në krijimin e hapësirave publike cilësore që i shërbejnë komunitetit.

“KORÇA BOOM”