Refit Rezhda, tifozi me fat i Skënderbeut: “Minutat e fundit isha me shpinë nga fusha, dhe solli fat!”

Refit Rezhda, një nga tifozët më të zjarrtë dhe superticiozë të Korçës, duket se ka gjetur “çelsin” e fitores për Skënderbeun. Pas ndeshjes së fundit kundër Pogradecit, ku skuadra e tij nuk po shënonte, Refiti ishte në tension të madh dhe vendosi të qëndrojë me shpinë nga fusha në minutat përfundimtare. Një veprim që sipas tij solli fat ekipit.

Në rrjetet sociale, ai ka postuar edhe një foto duke treguar momentin kur u kthye nga fusha, për të dëshmuar besimin e tij në këtë “ritual” personal. Fitorja erdhi pavarësisht se ai nuk ishte në gjendje të shihte golin e shënuar nga Tayos, që vulosi triumfin e Skënderbeut.

Refit Rezhda është bërë shembull i atyre tifozëve që besojnë se fati dhe energjia pozitive mund të ndikojnë në rezultatet e skuadrës së zemrës. Me këtë fitore, ai duket se ka bërë që suksesi të vijë pikërisht në momentet kur vetë ai ishte në ankth, duke treguar se besimi i fortë i tifozëve mund të ketë ndikim edhe jashtë fushës së lojës.

“KORÇA BOOM”