Shtatë garues për kreun e BKH, por komisioni propozon Joni Ketën për mandat 5-vjeçar

Pas më shumë se katër muaj proces dhe kontroll, komisioni i posaçëm, i përbërë nga Altin Dumani, Arben Kraja dhe Behar Dibra, ka propozuar hetuesin Joni Keta për drejtues të Byrosë Kombëtare të Hetimit (BKH) për pesë vitet e ardhshme.

Procesi, i zhvilluar hap pas hapi nën monitorimin e ndërkombëtarëve, u finalizua pas kontrollit të shtatë garuesve për këtë pozicion.

Sipas njoftimit zyrtar, “Komisioni i Përzgjedhjes për pozicionin e Drejtorit të BKH në mbledhjen e tij të datës 26.11.2025, në prani të përfaqësuesve të ICITAP dhe Bashkimit Europian, vendosi t’i rekomandojë Këshillit të Lartë të Prokurorisë për emërim, në pozicionin e Drejtorit të BKH, z. Joni Keta, për një mandat pesëvjeçar.”

Komisioni përbëhej nga katër efektivë të policisë, dy hetues të BKH-së dhe një prokuror.

Tani është Këshilli i Lartë i Prokurorisë ai që pritet të emërojë Joni Ketën në mbledhjen e datës 2 dhjetor 2025.

Më 11 dhjetor, KLP do të dëgjojë dhe vendosë mes katër garuesve për kreun e SPAK, duke përmbyllur një proces të rëndësishëm për drejtimin e BKH dhe SPAK.

"KORCA BOOM"