Skandal në rrjetet sociale: Kërcënime, shpifje dhe përndjekje ndaj një të reje shqiptare

Një 23-vjeçare nga Shqipëria është vënë në qendër të një situate të rëndë përndjekjeje dhe dhune psikologjike, që vitet e fundit ka marrë përmasa shqetësuese dhe shpesh ka përfunduar në fatalitete për shumë gra. Rasti është bërë publik përmes rrëfimit të vetë të resë, e cila kërkon ndërhyrje të menjëhershme nga autoritetet për ta ndalur këtë traumë që po e ndjek pas martese.

Sipas dëshmisë së saj për mediat, para se të njihte bashkëshortin aktual nga Shkodra, kishte pasur vetëm një komunikim të shkurtër në rrjetin TikTok me një djalë të quajtur Glori. Ai i kishte propozuar një lidhje, por ajo e kishte refuzuar me edukatë. Pas këtij refuzimi, kontakti ishte ndërprerë.

Megjithatë, disa kohë më pas, Glori mësoi se vajza ishte martuar dhe filloi ta ngacmonte në mënyrë të përsëritur. Ai e akuzoi se nuk pranoi ta ndihmonte me dokumentacionin grek — pasi e reja posedon leje qëndrimi në Greqi — dhe si shenjë “hakmarrjeje” nisi një seri kërcënimesh dhe ofendimesh të rënda.

Në mesazhet dhe videot e publikuara, Glori e ka fyer rëndë, duke përmendur edhe bashkëshortin e saj me fjalë të papërshtatshme dhe seksiste. dëgjohet të thotë ai në një prej videove, bashkë me shpifje të tjera të rënda.

Këto veprime kanë ndikuar thellësisht në shëndetin mendor të vajzës, e cila ka përfunduar e shtruar në spitalin e Shkodrës për shkak të gjendjes depresive që po përjeton. Ajo shprehet se është e traumatizuar nga ngjarja dhe ndien frikë për sigurinë e saj dhe të familjes.

“Bashkëshorti im nuk i beson këtij mostri. As ai vetë nuk e di çfarë kërkon, por unë kërkoj që Policia e Shtetit të ndërhyjë menjëherë. Ky rast mund të marrë përmasa të tjera nëse nuk ndalet në kohë,”

Rasti është një tjetër kujtesë e dhimbshme se dhuna kibernetike, përndjekja dhe gjuhët e urrejtjes ndaj grave janë kthyer në realitet të përditshëm, shpesh me pasoja tragjike. Autoritetet janë thirrur të reagojnë shpejt për të parandaluar më të keqen dhe për të vendosur drejtësi.

“KORÇA BOOM”