Skandali me pjeshkët me pesticide, Panariti: Të njëjtat produkte janë shpërndarë në tregun vendas

Ish-ministri i Bujqësisë, Edmond Panariti, ka komentuar skandalin e ditëve të fundit ku pjeshkë dhe domate janë bllokuar jashtë për shkak të pesticideve.

Për ish-ministrin, ekziston mundësia që këto produkte, të fundit prej të cilave ishin pjeshkët mund të jenë konsumuar edhe nga qytetarët shqiptarë, pasi nuk ka diferencim.

“Të njëjtat produkte mendoj se janë shpërndarë dhe në tregjet tona, njësoj si kanë shkuar për eksport dhe janë bllokuar. Këto produkte mund të jenë konsumuar dhe nga shqiptarët”, tha Panariti.

Ndërkohë, që ekspertja Esmeralda Ballesha deklaroi se përsa i përkeq sigurisë ushqimore Shqipëria është vite dritë larg BE, teksa shtoi se përmirësimi i këtij problemi do të kushtojë shumë para.

“Jemi dritë yje larg BE. Ne kapemi me AKU por është një pjesë e vogël e hallkave të gjurmueshmërisë. Siguria ushqimore kushton shumë. Do i kushtojë qeverisë. Teste, trajnime, sistemit të gjurmueshmërisë. Nuk ka rëndësi brenda apo jashtë. Siguria ushqimore është çështje kombëtare”, tha Ballesha.

“KORÇA BOOM”