SKËNDERBEU/ Të premte ndaj Ilirisë, java e 3-të vlen vetëm 3 pikë

E premtja nuk duket e largët në Korçë, ndërkohë që sfida e kësaj javë është ajo e stadiumit “Skënderbeu” mes Skënderbeut dhe Ilirisë, një ndeshje që në fakt vlen vetëm tre pikë për bardhekuqtë.

Pas barazimit në Lushnjë në javën e dytë, Skënderbeu e ka detyrim fitoren në këtë 90 minutësh dhe sigurisht që në letër Skënderbeu është i avantazhuar. Trajneri Ernest Gjoka dhe stafi i tij kanë edhe dy seanca stërvitore, teksa e radhës do të jetë ajo e sotmja në orët e pasdites, ndërkohë që nesër përmbyllen përgatitjet 10 ditore.

Pritet që Skënderbeu të jetë edhe më i konsoliduar në këtë takim, pasi merkatoja është e mbyllur dhe tashmë risia që mund të jetë në fushë është Mario Gjata, fieraku që do të zëvendësojë Bismarkun e larguar.

Skënderbeu e ka grupin e plotë tashmë dhe deri në janar nuk mund të shikojmë lëvizje, gjë që do të thotë se Gjoka ka këtë grup për të synuar sa më parë kreun e kategorisë së parë.

Pritet që nesër trajneri bardhekuq të dalë përpara mediave për të folur në prag të këtij takimi, por Iliria nuk ka mëdyshje që vlen vetëm 3 pikë për Skënderbeun.

Java 3 Kategoria e Parë

Të Premte (12 shtator 2025)

Ora 16:00 Kukësi - Lushnja 

Ora 19:00 Skënderbeu - Iliria 

Të shtunë (13 shtator 2025)

 Ora 16:00 AF Luftëtari - Burreli 

Ora 16:00 Besa - Apolonia 

Ora 16:00 Kastrioti - Korabi 

Ora 16:00 Pogradeci - Laçi 

“KORÇA BOOM”