SKËNDERBEU/ Saleh Nasr & Foti Çuçka, dy Yjet e momentit me nga dy gola secili!

Skënderbeu në tre javë kampionat ka 7 pikë, më shumë se çdo skuadër tjetër të kategorisë së parë. Skënderbeu ka dy fitore dhe 1 barazim, duke bërë startin më të mirë në 12 skuadrat e kësja kategorie.

Bardhekuqtë kanë këto rezultate dhe ndodhen në krye të kategorisë së parë edhe për atë se ka sulmin më të mirë me 6 gola të shënuar gjithsej në tre javë, me një mesatare 2 gola për ndeshje.

Sigurisht që sulmi është “arma” më e fortë e bardhekuqve, ndërkohë që në 270 minuta të luajtura dy janë lojtarët që kanë spikatur dhe marrin notën maksimale. Njëri prej tyre është Saleh Nasr, futbollist që në tre ndeshje të luajtura, në dy prej tyre është shpallur lojtari i ndeshjes, atë me Burrelin dhe së fundi ndaj Ilirisë.

Saleh Nasr ka shënuar dy gola dhe po kaq ka shënuar edhe talenti korçar Foti Çuçka, një lojtar që premton shumë. Një tjetër e veçantë është se të dy luajnë nga krahët dhe tashmë sulmi është “top”, mungon vetëm maja e sulmit që pritet të shpërthejë shumë shpejt.

Një dyshe për tu admiruar si Nasr-Çuçka. Një dyshe që meriton fjalët më të mira dhe një Bravo të madhe.

“KORÇA BOOM”