Tension në ambientet e punës, farmacisti sulmon mjekun për shkak të detyrës

Një incident i pazakontë është regjistruar këtë të premte në qytetin e Delvinës, ku një farmacist ka goditur me pëllëmbë në fytyrë një mjek 68-vjeçar, për arsye ende të paqarta.

Ngjarja ka ndodhur në ambientet e punës, ndërsa autoritetet kanë nisur procedim penal ndaj të riut. Sipas njoftimit zyrtar të Policisë, 24-vjeçari D. M., me profesion farmacist, është proceduar penalisht në gjendje të lirë, pasi dyshohet se e ka goditur mjekun Th. Ç., për shkak të detyrës.

“Specialistët për Hetimin e Krimeve në Komisariatin e Policisë Delvinë referuan materialet në Prokurori dhe nisën procedimin penal në gjendje të lirë për shtetasin D. M., 24 vjeç, me profesion farmacist, pasi dyshohet se, për shkak të detyrës, ka goditur me pëllëmbë në fytyrë shtetasin Th. Ç., 68 vjeç, me profesion mjek,” – thuhet në njoftimin e policisë.

Shkaqet e incidentit nuk janë bërë ende të ditura, ndërsa hetimet vijojnë për të sqaruar rrethanat e konfliktit.

“KORÇA BOOM”