Tragjedi e pazakontë: 65-vjeçari humb jetën pas sulmit nga një kalë

Një ngjarje tragjike është shënuar në Sllovë, Dibër, ku një 65-vjeçar ka humbur jetën në rrethana të rënda pasi është sulmuar nga një kalë.

Viktima, Bashkim Ferati, dyshohet se ndodhej pranë kafshës në momentin kur ka ndodhur incidenti fatal. Sipas informacioneve paraprake, i moshuari ka marrë plagë të shumta dhe të rënda si pasojë e goditjeve, të cilat rezultuan fatale.

Pavarësisht ndërhyrjes për t’i dhënë ndihmë, 65-vjeçari nuk ka arritur të mbijetojë.

Ndërkohë, rrethanat e plota të ngjarjes mbeten ende të paqarta dhe pritet që autoritetet të hedhin më shumë dritë mbi atë që ka ndodhur.

Kjo ngjarje e rëndë shërben edhe si një apel për kujdes të shtuar në kontakt me kafshët, veçanërisht në zonat rurale, ku situata të tilla, edhe pse të rralla, mund të përfundojnë me pasoja tragjike.

“KORÇA BOOM”